Oleh: Asrori
Naposo Bulung Desa Sibanggor Tonga
Pangartian Panas Bumi
Di Kabupatem Madina on adong rencana ni pemerintah ima get mambaen pembangkit listrik Panas Bumi (geothermal). Manurut informasi bahasona kapasitasna ima sekitar 240 MW. I bagasan ni i, indape sude alak mangarti botul mengenai pembangkit listrik panas bumi on, sanga aha sajodo bangunon di pembangkit panas bumi on. Sebagai salah sada alak madina, inda dong salana manshere sotik pambotoan niba. Disonma u cubo manuliskon fasilitas-fasilitas na adong di pembangkit panas bumi, mudah-mudahan adong sotik pambotoan mengenai panas bumi on.
Jadi, pangartian ni panas bumi (geothermal) on ima marasal sian kata geo na artina bumi, thermal na artina panas. Jadi secara umum pangartian ni panas bumi on ima sumber energi na marasal sian panas alamiah ni bumi.
- Sumur Produksi
Sumur produksi ima naidok fasilitas na utama harana ngon ima mangalirkon uap/aek sian toru tano i sampe tu permukaan on. Biasona bagasna ima 2000-2500 meter. Sumur onma na i bor i melalui kegiatan pengeboran anso dapot uap nagon toru tanoi. Sapanajang lubang ni sumur on ibalut mai dohot pipa baja khusus ima naidok casing nai, dungni casing on ilokotkonma sangape i simin tu tanoi atau pe batuan naisampingnai dohot simin na khusus. Ukuran lubang ni sumur nai biasona diameter na 13-3/8 inc.
- Wellpad
Wellpad ima naidokon lokasi naterbatas naadong isi beberapa sumur sangape kepala sumur. Biasona adong 3 5 kepala sumur, tai inda tertutup kemungkinana bisa lobi, pala songon di itaon naidok wellpad ima songon nadi Sibanggor Tonga (SM-A), Sibanggor Jae (SM-D) dll.
- Pipa Air
Dungma i bor sandigan sumur i sahinggo daot uap ni i dohot layak untuk dikembangkon, aek/uap on angkan nai alirkonma ima ngon pipa na adong di kepala ni sumur i. Fungsi ni pipa on ima mangalirkon aek/uap sian kepala sumur tu separator goarna, mangalirkon uap kering ngon separator sampai tu turbin, mangalirkon aek hasil pemisahan ngon separator tu sumur injeksi. Biasona pipa aek on i balut dei dohot khusus. Tujuanna ima so ulang borgo sampe aek i sampe tu separator, napaduana ima anso ulang milas pala i jontik kalak sangape binatang na adong di daerah i.
- Steam Receiving Header
Staem receiving header ima naidok stasium pangumpul ni uap sian sumur na adong di lapangan panas bumi dompak soi alirkon tu turbin.
- Separator dan Demister
Separator ima alat sangape tempat na mamisahkon antara aek dohot uap, sangape uap dohot partikel padat na taroban sian sumur i. Cara kerja na ima mangikuti sistem gravitasi, jadi pala uap kehe mai tu ginjang, sementara aek nai angkan na madabu mai tu toru, sahinggo uap dohot aek i tarpisahkon songoni juo partikel na padat i. Dung songoni uap ialirkonma dohot pipa alir uap songoni juo dohot aek i ialirkonma dohot pipa alir air.
Demister ima paralatan na marfungsi managkup butiran – butiran nia aek na adong dope di uap i dompak so masuk tu turbin . biasona paralatan naonan i ben mai donok tu turbin.
- Condensate Traps
Condensate traps guna na ima mangambungkon kondensat na adong di pipa ni uap i. Biasona i baen mai jarak sepanjang pipa ni uap i. Jadi amben na adong condensate traps on, sahinggo uap na masuk tu turbin i madung botul-botul kering.
- Turbin Generator
Turbin onma na manguba energi thermal (panas) ngon uap manjadi energi mekanis. Generator ma na manguba energi mekanis manjadi energi listrik.
- Menara Pendingin
Guna ni menara pendingin ima manurunkun suhu sangape pangali aek na kaluar sian kondensor. Aek nadunng iturunkoni suhuna sangape madung mangali sotik deba i kembalion tu kondenssor guna na mangkondensasion aek na selanjutna dohot deba nai ialirkonma tu sumur injeksi so i pamasuk mulak tu toru tano i ataupe sumur injeksi.
- Sumur Injeksi
Sumur injeksi ima sumur na marguna mangalirkon aek naipisahkon mulak tu toru tanoi. Biasona nganan ni sumur on i baen di daerah naum toru sahinggo inda porlu pompa.
- Switcyard
Ima naidokon gardu induk, disonma ibaen nganan ni paralatan listrik.
Secara umum ima beberapa fasilitas na adong di pembangkit panas bumi, harapan niba, adongma sotik gambaran sanga get songondia tongkinnai bangunon mengenai panas bumi nadi itaon. ***
