MARSIDAO-DAO (episode 43)

Novel Mandailing

Nanisuratkon : Dahlan Batubara

Marsidao dao grafis

Marayak pukul 5.20 potang ni ari tolap ma motor i i huta Bilah i. Ipaso parmotor i ma motor i. Idokonsa tu Si Isrot na madung tolap alai tu huta i.  Mambege na madung tolap tu huta Bilah i, naniligi si Pikek dot Si Poso ma tu ruar, manaili bagas-bagas na  i huta i. Dosir-dosir do mudar ni alai mangaligi huta i, huta ni amang dainang ni alai. Huta ni iganan ni ompungna asa amangtuana.

“On ma kampung ni umak dohot ayangku,” ning roa Si Poso sareto ipaligi-ligisa halak na marlaoan, anta bana do sisolkotna anta ngada.

Sidung mijur alai tingon motor i, na jongjong dope manaili tu jae dohot tu julu, laing sangkot tas iabarana.

“Tu parjagalan an ma ita, Amang, marsapa antap iboto alai bagas ni ompung muyu,” ning Isrot salaos manogu Si Pikek.

Tolap tu parjagalan i, marsapa do Si Isrot sareto mandokon gorar ni amang boti inang Si Siti salaos patidahon gambar ni Siti dohot mandiang Imran.

“Oh baya, tak tahu pula saya, kami pun yang barunya di kampung ini. Tapi coba abang tanya ke kakak yang di sana. Dia orang lama di sini,” ning parjagal i manuduhon sada dadaboru na juguk i jolo bagasna i toru ni adungdung. Mangalao alai tingon parjagalan i kehe manopotkon dadaboru i.

“Assalamu’alaikum,” ning Si Isrot dung tolap tu jolo ni dadaboru i.

“Wa alaikumsalam,” ning dadaboru i.

“Maaf, Kak. Saya mau bertanya. Kami mencari rumah famili, namanya ibu Sakiah, suaminya bernama Rohman,” ning Isrot.

“Oh, kalau suaminya bernama Rohman, bu Sakiah itu sudah tua ya?,” ning dadaboru i.

“Iya, Kak. Mungkin sudah nenek-nenek. Karena anak-anak ini cucunya,” ning Si Isrot.

“Hah..! apa ibu anak-anak ini bernama Siti..?!,” ning dadaboru  i tarsonggot salaos manotnoti Si Poso dohot Si Pikek na jongjong ngangang i siamun si Isrot.

“Iya, Kak. Betul ibu mereka namanya Siti, ayahnya bernama Imran,” ning Si Isrot.

“Astagfirullloh,” ning dadaboru i manjombai daganak na dua i. Ialuksa si Poso dohot Si Pikek. “Alhamdulillah,” ningna salaos marlojong tu alaman bagas ni ombar jirenna.

“Maya..!! kamakhi kau Maya,” ningna manjoung tu bagas i. Aruar dadaboru tingon bagas i. “Tengoklah, anak-anak Siti datang. Anak Si Siti udah bosakh-bosakh,” ningna tu dongan nai. Maripas alai manopotkon alak Si Poso.

“Oh..alhamdulillah sudah ditemukan okhang tuh baya. Oh, anaknyo nan laki-laki mikhip samo muka omaknyo,” ning dongan nai sareto maniop abara ni Si Poso dohot Si Pikek.

“Iyo, klo nan pakhampuan tuh mikhip samo muka ayahnyo si Imkhan,” ning dadaboru i.

“Kami kawan Siti,” ning dongan nai tu Si Isrot.

“Dimana mereka selama ini tinggal” ning dadaboru i.

“Kami tinggal di Mandailing, Kak,” ning Si Isrot.

“Oh, ibu kalian mana, Nak,” ning dadaboru i tu Si Poso.

“Ibu kami sedang sakit batuk darah, Bu, tak bisa datang ke sini. Ayah kami sudah meninggal,” ning Si Poso.

Martangisan dadaboru na dua i mambege Si Siti na marsituhuk i. Madung leleng ngada marsuo dung do na kehe i Si Siti dohot alaklaina Imran mandao tingon huta i mangilakkon amangna na birat naso patolaon baruna marbagas tu Si Imran. Mur madangol ni roa ni alai membege Si Imran na madung jumolo.

“Nenek kalian masih hidup, Nak. Tapi kakek kalian sudah lama meninggal. Setelah bapak itu meninggal, bu Sakiah pun pindah ke Bilah Hulu. Sekarang nenek kalian ada Bilah Hulu,” ning dadaboru i salaos mangapus ilu ni matana sareto mangapus monmonna dohot busayanna na mursop nibaen ni tangisna.

“Kalau begitu, kami ke rumah paman anak-anak ini saja dulu. Tolong kami ditunjukkan,” ning Isrot.

“Iya, kita ke sana saja. Nanti sekalian kita lewati itu rumah lama orang Si Siti, biar anak-anak ini tau bekas rumah keluarga ibunya,” ning dadaboru i tu Si Isrot. “Ayolah kito antakhkan kakhumah Inceknyo si Hamzah,” ningna tu doganna.

Ngada sajia onok na mangalao i alai i bajar ni huta i, ibolus alai ma bagas ni inang ni Si Poso i. Bagas simin nagorsing nagodang, hum godang umpado bagas na i siambirang bope na i siamunna. Tardok do bagas i bagas nagodangna i banjar i.

“Nenek kalian menjual rumah ini sebelum pindah,” ning dongan ni dadaboru i. Jongjong alai i jolo nai pamanat-manati bagas i.

“Ini, dulu ibumu yang menanamnya, Nak. Ibumu itu sangat suka merawat tanaman hias. Bibitnya kami bawa dari Brastagi waktu kami dulu pergi berkunjung dari sekolah,” ning dadaboru i tu Si Pikek patidaon bunga karotes i jolo bagas i.

Iparpioi dadaboru i halak na i banjar i. Idokonsa madung ro pompar Si Siti. Marroan halak i, marsialuk tu Si Poso boti Si Pikek. Marsisapai sisapaionna. Na marjop ni roa nibaen madung binoto iganan ni Si Siti i luat na dao. Aroro ni daganak on ma pamurak marsak ni alai, ima na marsak pasari-sari sanga ijia sanga masonjia do Si Siti saleleng on, na marbolas taon ngada binoto lata dohot hobarna. (marsambung)